Kandid : Voltaire

« In zour, Kinégonn, antrinn promné koté lo shato, dann lo ti-foré té i apèl park, la vi rant bann brousay lo doktèr Toutlang pou done in loson fizik èspérimantal bone son monmon, inn ti brinèt byin zoli é pa faroush ditou. Bann syans té ral bonpé Kinégonn, alors èl la byin vèy, san fé dézord, lo bann lèspèryans répété èl la tonm témwin , èl la vi klèrman lo rézon sifizan lo doktèr, lo bann zéfé é lo bann koz, é èl la parti byin ravazé, byin pansèz, la tèt plin èk lanvi èt savan, mazinan èl pouré byin èt lo rézon sifizan lo zèn Kandid, ké té pé ousi èt la syinn. » « Il faut être très court, et un peu salé, sans quoi les ministres et madame de Pompadour, les commis et les femmes de chambre, font des papillotes du livre. »